Na mjestu gdje je sinoć požar na imanju Rešada Rastodera progutao štale i pomoćne objekte u Radmancima, danas su užurbano radili ljudi sa mašinama kako bi raščistili zgarište. Brzo, već u ranim jutarnjim satima, na mjestu gdje su bile štale, poravnata je zemlja i odnešeni komadi drveta i ostalog materijala koji nije izgorio. Kamion, koji je takođe izgorio u požaru je sklonjen. Prema prvim informacijama, u požaru je, osim štala i kamiona, izgorelo više od četiri hiljade bala sijena. Takođe, stradalo je više od 30 jagnjadi i manji broj jaradi.
Kasno sinoć policija je napravila uviđaj a tačan uzrok požara znaće se tek nakon njihove analize.
