Dr Almir Rebronja – potpredsjednik SDPCG je u saopštenju za javnost reagovao na navode predjednika DPS Mila Đukanovića izrečene prije nekoliko dana na Boru.
“Treba zaista biti jako bestidan pa izgovoriti neistine koje je o SDP-u i njegovim predstavnicima u Petnjici izgovorio predsjednik DPS-a Đukanović u MZ Bor prilikom poslednje posjete Petnjici.
Istina o izdaji i stajanju SDP-a uz bok DF-a je taman toliko istinita kao i radna mjesta i fabrika peškira koju je otvorio prije par mjeseci na tom istom Boru sa istim onim ljudima koji su i ovog puta sjedeli pored njega i aplaudirali mu. Aplauzi tih ljudi nisu bitni jer su isti ti aplaudirali i Svetozaru Maroviću 2013.godine kada je isti i formirao petnjičku ispostavu Đukanovićeve grupe i postavio ih na čelo ispostave, a znamo ko je bio i gdje je sada Marović”, zaključio je Rebronja.
