Eldin Eka Duraković je trenutno jedan od najpopularnijih naših pjevača u Luskemburgu. Eka je inače rođen u Luksemburgu, a porijeklom je iz Petnjice, tačnije sela Trpezi, bavi se muzikom već deset godina, a iza sebe ima brojne hitove i već sada bogatu karijeru. Njegova pjesma ,,Barikade“ koja je premijerno ugledala svjetlost dana prije tri godine, sada je došla u drugačijem aranžmanu sa spotom, na veliko oduševljenje publike, koja na društvenoj mreži Tik Tok neprestano dijeli sadržaj uz ovu pjesmu. Pored Tik Toka za samo nekoliko dana broji preko 50.000 pregleda na društvenoj platformi You Tube, što je jedan od pokazatelja da se radi o kvalitetnoj pjesmi i izvođaču.
Kako je kazao za naš portal Eka Duraković spot za ovu pjesmu je rađen u Luksemburgu, a tekst potpisuje Siniša Ličina u aranžmanu Marka Drežnjaka.
,,U ovoj pjesmi sam se baš pronašao, tako reći ova pjesma mi je legla, jer sam po prirodi jako emotivan” kazao je saopštio je Duraković.
Ono što nam je Eldin Eka Duraković kazao je da ova pjesma nosi posebnu emociju i da je napisana po istinitom događaju, ali nam nije otkrio više detalja, ono što je sigurno svijetla budućnost je pred ovim talentovanim pjevačem, koji pomjera granice na estradnoj sceni, a mi ćemo nastaviti da pratimo uspjehe koje nižu naši ljudi, pogotovo u dijaspori.
E.B.
