Delegacija Udruženje boraca NOR-a i antifašista Petnjica je danas položila cvijeće na spomen bistu Mahmutu Adroviću u dvorištu osnovne škole koja nosi naziv po njemu.
„Na današnji dan, prije 76 godina, u Lješnici je poginuo Mahmut Adrović sa svojim bratom od strane okupatora, Italijana i četnika u združenoj akciji. Svoj život dao braneći Bihor i kao član Komunističke partije Jugoslavije, svojim život je dao za bratstvo i jedinstvo. Kao takav, učestvovao je u mnogim akcijama među kojima su demonstracije u Beogradu i Skoplju. Ponosimo se što obrazovna ustanova nosi njegovo ime jer je to i zaslužio“, istakao je Faik Adrović, predsjednik Udruženja boraca NOR-a i antifašista Petnjica.
Polaganju cvijeća su prisustvovali direktor osnovne škole sa kolektivom.
DENIS BOŽOVIĆ
