Odbornik SPP u petnjičkom parlamentu Almir Muratović i kandidat za poslanika na izbornoj listi koalicije CRNO NA BIJELO poziva lokalnu upravu da, u cilju ublažavanja i zaustavljanja ekonomske krize izazvane posebno pandemijom virusa COVID 19, razmotri i usvoji prijedlog o subvenciji kupovine udžbenika za polaznike svih razreda osnovnih škola na području cijele opštine Petnjica, a koja bi se odnosila na besplatne udžbenike od prvog do četvrtog razreda, a 70 % finansijske podrške za ostale razrede.
“Ovo bi znatno olakšalo finansijsko stanje roditeljima ùčenika Bihora i pokazalo da mi zaista imamo senzibiliteta za lokalno stanovništvo a također i za obrazovanje . Takođe pozivam kolèginice i kolege odbornike ukoliko lokalna uprava usvoji ovaj prijedlog da jednu svoju mjesečnu odborničku nadoknadu izdvojimo u ove svrhe”, rekao je Muratović.
